Հրավերքի
սպասումով `
Ես քո այգու,
դու` դղյակիս,
Կորցրինք
լուռ էլի մի օր,
Ափսոսանքով,
բայց և հանգիստ:
Չջանացինք,
ոչ ես, ոչ դու,
Կասկածեցինք
ինքներս մեզ.
Սիրուց բացի
ինչ ենք տալու,
Թե ունենաս
դու ինձ, ես `քեզ:
Թե քո այգին
քիչ թվա ինձ,
Ու անբերի
կանաչ հագնի,
Իմ դղյակում
լույս լինի քիչ,
Ու թե հանկարծ
մի դուռ փակվի:
Կորցրինք
լուռ էլի մի օր,
Առաջինը
ով ձայն կտա,
Հպարտությամբ
մեր մեղավոր
Անցած օրը
էլ ետ չի գա:
Այսօրվա
պես վաղն էլ կանցնի,
Չկասկածես
օրվա դարձին,
Թե քո այգու
պատրանքով լի,
Թե դղյակիս գոյությամբ սին: